Home
  By Author [ A  B  C  D  E  F  G  H  I  J  K  L  M  N  O  P  Q  R  S  T  U  V  W  X  Y  Z |  Other Symbols ]
  By Title [ A  B  C  D  E  F  G  H  I  J  K  L  M  N  O  P  Q  R  S  T  U  V  W  X  Y  Z |  Other Symbols ]
  By Language
all Classics books content using ISYS

Download this book: [ ASCII | HTML | PDF ]

Look for this book on Amazon


We have new books nearly every day.
If you would like a news letter once a week or once a month
fill out this form and we will give you a summary of the books for that week or month by email.

Title: Novena nga Pagdaydayao Quen Aputayo á Jesus Nazareno
Author: Anonymous
Language: 
As this book started as an ASCII text book there are no pictures available.


*** Start of this LibraryBlog Digital Book "Novena nga Pagdaydayao Quen Aputayo á Jesus Nazareno" ***


University of Michigan.Special thanks to John Ridley-Dash.



[Transcriber's note: Tilde g in old Ilocano which is no longer used is
marked as ~g.]

[Pakaammo: Tey 'tilde g' nga nausar iti nagkauna nga ilokano ket
na-i-ulog a kas ~g.]


NOVENA

N~GA

PAGDAYDAYAO QUEN APUTAYO A

JESUS NAZARENO

NAADAO ITI SAO TI CASTILA

NGA PAGDAYDAYAO MUET TI ILI Á QUIAPO

ITI LADAOANNA N~GA ADDAT

IDIAY Á SIMBAAN

NAITED AMIN A PALÚBOS

MANILA

IMPRENTA DE SANTO TOMAS

1891


[Ladawan: Sto. Niño]


NOVENA

N~GA

PAGDAYDAYAO QUEN APUTAYO Á

JESUS NAZARENO,

NAADAO ITI SAO TI CASTILA

N~GA PAGDAYDAYAO MUET TI ILI Á QUIAPO

ITI LADAOANNA N~GA ADDAT

IDIAY Á SIMBAAN.


_Quet idaton muet ita quencuana n~ga Apo ti ili á
Vigan, agsipud ti panagcari daguiti devotosna ti
nadayag á ladaoanna n~ga adda muet iti Simbaanna_.

Iti panagbilin ni Sr. D. Pedro V. Abaya Provisor
iti N. S., inyulog itoy á pagsasa-ó ni P.D.
Quintin Paredes coadjutor iti ili á Bantay.


NAITED AMIN Á PALÚBOS.

MANILA

IMPRENTA DEL COLEGIO DE STO. TOMÁS

1891



CARARAG

Á UMONA ITI PATINAYON Á ALDAO

O Dios-co, imbag á casam-itan, Ama n~ga nailan~gitan, nagutan~gac
cadaguiti pinagparaburmo n~ga saniata n~ga nagtaud iti nadiosan á
gupit ti panagtutuoc ni Jesus, quen daguiti pay muet Sacramentos á
insagut ti aoan lansadna n~ga panangn~ga-aasim á a~gas daguiti
cararuami, agsipud iti panaglaglaguipco cadaguitoy á
pinagparangcapmo, ipudnoc á cas napacurang unay á parsua iti saclangmo
n~ga siuutan~gac iti ayatmo: O Dios-co n~ga maymaysaca laeng iti
quina-Dios-mo, quet tal-lo cay á Personas, ipaduyacyac co ti
pammatic quenca n~ga cas anac anaannugut ti Santa Ina n~ga Iglesia;
quet namnamaec iti di manangrad á ca-asim ti pammacaoanmo cadaguiti
basbasolco, agsipud iti imbagmo, iso á pangronaec á ayaten em amin á
adda, quet tapno maicariac á caasiam á bussuguem iti ayat á nadiosan,
paysoec n~gad itay ti agbabaoin quet ipasnecco itoy pusoc ti agcona:
Apú nasaquit unay ti naquemco iti pannaca-basolco quenca, ta sica
piman ti maicari n~ga ay-ayatec á pang-pangronaec em amin. Mabalinco
cadman á ipusayco toy pusoc á maremmay iti peggues daguiti lulua n~ga
agubbug iti ayatco, oenno accatec toy biagco; caycayatco pay ti casta,
n~gem iti macabasolac. Amen.



CARARAG

A AGBALBALIO ITI PATINAYON A ALDAO.

=UMONA N~GA ALDAO.=

¡O imbag á nadiosan, imbag á bun~ga ti ayat, ó ayat á aoan lansad,
ayat á biig á imbag: silaoam daguiti matac, sica n~ga inguet sam-it á
annara-ar ti pusoc, tapno pun~ganayec á bigbiguen iti tulong ti
nacaay-ayat á laoagmo, dayta nacacarcarayo n~ga guil-ayab ti
manglioeng-lioeng á ayatmo n~ga naicasigud quenca! O Jesus, á agsipud
iti di cabenbenan á quinasungdom, rinuguiam á dagus á imparicna
daguiti inguet rayray á guil-ayab ti managayat á pusom, idi apaman á
timmaoca iti naibusan dalus á tian ni María Santísima n~ga Inam, nupay
no bumaet á cas ulep daguiti basbasolmi n~ga macatubeng comá cadaguiti
panangn~gaasim; ta piman biigca n~ga quinasungdo cadaguiti tao n~ga
cas narniag á Init á di agpatinga n~ga cadegdegan ti bileg ti rayray
ti ayatmo n~ga nacauyutam á nan~gical-laisa idi inguet nomo n~ga tapoc
á nacabuclanmi cadaguiti catan-ocan á dayag ti quinadiosmo idi
timmaoca; tapno mairagpat quet ti tao, ta casmo laeng binalin muet á
Dios iti pannasacimpun~galanna quenca. Ala n~garud managay-ayat á
Jesus, pucaoem iti bileg ti inguet sam-it á ayatmo daguiti dadagsen ti
cararuac á pinataud daguiti nasaquit co n~ga pinarnuay daguiti
basbasolco, tapno sumgued toy pusoc; quet iti casta mapunasto daguiti
quinalaadda n~ga cas uguing á macatulao caniac, tapno diacto
agbasolen, apacalac-amac á mainaganan anac á napaypayso daguiti
ayatmo iti tulong ti santa n~ga gracia, quet pacairagpatac iti natalec
á sidong daguiti dungn~gom, itay quen ili agnanayon aoan ti ingana.
Amen.

_Lualoen ti tal-lo n~ga_ Amami _casta muet ti_ Ave María _quen_ Gloria
Patri_, sa isaruno toy maudi n~ga_.



CARARAG

ITI-PATINAYON Á ALDAO.

¡O ayat á nadiosan, imbag á casam-itan, dungn~go n~ga casungdoan, asi
n~ga ñasnecan ni nasam-it á Jesus-co, timmaó iti bileg ti ayat ti
Espíritu Santo, isu n~ga pun~ganay daguiti isu amin á gasatmi, quet
pasam-item daguiti cararuami iti imas ti ayatmo, tapno nanamenmi
daguiti nailan~gitan á sam-it cadaguiti capapatgan á misterios ti
santo n~ga panagtutuoc quen ipapataymo! ta piman amin á panunutmo sa-o
quen aramidmo, agsipud iti pannacagugorda iti seggued ti pusom,
iparan~garangda ti nasantoan á ayat á naimimas em amin á sam-it, quet
agsipud iti pannangtedmo Jesus-co iti biag ti Espíritu quen sam-it iti
pusoc nagsaadca n~ga cas nadayag á Esposo iti sinamar ti init nanipud
idi immona n~ga horas ti panagbiagmo, ingat canibusananna, quet
idinto ta macuguitca impaduyacyacmo iti cababagas ti nasam-it unay á
naganmo n~ga Jesus daguiti macapia n~ga guil-ayab ti dungn~gom
cadaguiti tao. Ala n~garud Ama n~ga nasungdo daguiti caasi, tenglem ti
isipco tapno di laeng sumiasi n~ga agsipud cadaguiti raniag ti
ruman~gen á ayatmo n~ga di agsarday á man~gipatuldo iti utangco n~ga
aramiden bareng pay mariing á dagus ti turogco, no apaman á matimud co
daguiti timecmo n~ga umayab caniac, quet dagusto n~ga masirmatac ti
nacaay-ayat á laoagmo n~ga mamasgued itoy pusoc iti tulong daguiti
nasungdo n~ga bileg ti nadarisay á imbagmo, iso n~ga ay-ayatec iti
isoamin á pigsa toy pusoc quen cararuac á agnanayon aoan ti ingana.
Amen.



MAICADUA N~GA ALDAO.

¡O managayat unay á Ama, ó nasam-it unay á Jesus, á iti naganmo ti
pagurayanmi n~ga sitatalgued iti nadiosan á dungn~gom! Igapom cad
laeng iti Santo n~ga naganmo ti mamalucneng cadaguiti puspusomi, yanta
mayarig iti lana n~ga casda silao á masguedan. Iso n~gad piman tay ti
silaomi, taraonmi quen agas ti cararuami silao ó manilao iti
managbasol, taraon á mamaquired iti capuymi, quet agas á mamapia
cadaguiti sacsaquitmi n~ga dinanar daguiti basbasolmi. Calac-amanmi
cad laeng ti masilnagan iti laoag ti nasam-it unay á naganmo n~ga
Jesus-co; tapno iso ti panggapoanmi n~ga agayat iti nasudi unay á
naganmo ti sam-iten quen imasenmi n~ga nanamen, ta biig amin á
nalab-ay daguiti taraonmi, no saan á macuyugan iti panaglag-laguipmi
iti nacaay-ayo n~ga naganmo n~ga Jesus, quet calac-amanmi comá ti
panagdaydayao, quen panan~gibunannagmi quenca agsipud iti
panagdevocionmi iti inguet sam-it á nagamo, tapno bumac-saycam á
sia-ayat itoy nacalcaldaang á daga n~ga pagluluaan á dumanon á
si-susurot iti laoagmo, n~ga pacalac-amanmi quenca n~ga agnanayon ita
nailangitan á balaymo. Amen.



MAICATLO N~GA ALDAO.

¡O di calansadan á imbag ti Dios á nupay naganendacat idi ugma n~ga
Apo quen Dios ti pammales, Dios á mang-gubat nupay casta idinto ta
impaoit ditoy lubong ti Santísima Trinidad ti nasam-it unay á nagan á
Jesus cadaguitoy agdama n~ga aldao, ti gracia tapno iso ti man~gatipa
iti in~gel ti nadiosan á linteg quen man~gibulos iti caasi, n~ga
pinaran~genna iti lubong daytoy inguet sam-it á nagan ta binalinna
n~ga nadungn~go daguiti un~get ti Dios, iso ti gapona n~ga idi aldao á
pannacacuguitmo, insaad quenca ti lan~git ti nagan á Jesus á
nagpunipunan ti imbag quen panangn~gaasi! Ala n~garud nasam-it Jesus
dica ípalubos á ti nan~gina unay á daram á naibel-leng gapo cadaguiti
basbasolco ti macagargari iti lintegmo n~ga manusa caniac. Casta ti
inanamaenmi iti panangn~gaasim á urayenmi gaput iti nasam-it á
naganmo, tapno itinto panagbiagmi n~ga sianurut cadaguiti nadiosan á
bilbilinmo, lac-amen-minto ti gracia n~ga tanda ti pannacaicarimi n~ga
mairanud iti gloriam. Amen.



MAICAPAT N~GA ALDAO.

¡O ayat á nadiosan, á nabati n~ga salda ti panagtaguicua daguiti
cararuami iti gloria no sapulendaca n~ga aoagan iti nasam-it unay á
nagan á Jesus, ta uray siasino n~ga managbasol á agcalicagum á sumbrec
sadi lan~git no umapon á sipupudno itoy inguet pateg á amang,
calac-amanna laeng ti pannacaisalacanna! ¡O inguet dayag n~ga ayat! ¡O
nadiosan á Jesus! ¡O managayat á agtaguicua cadaguiti cararua quitaem
cad daguiti basbasolmi quet pucaoem ida iti di mabubus á imbagmo.
Quitaem cad cadaguiti sacsaquitmi quen samuyengmi tapno calac-amanmi
ti ipipia mi. Quitaennacam, quet sumneccad laeng ti ca-asim. Tapno
agbiagcami n~ga sisisingpet á pacalac-amanmi iti nagasat á ipapatay.
Ita n~garud, Apo nopay no managdangques daguiti cararuami, agtaleccam
laeng iti dinacamto ipusay cadacam ti pangn~gac-lonmo iso n~ga
aoganmi iti iso amin á bileg ti pusomi. Gaput iti nasam-it á naganmo
isalacannacam iti infierno, quen cadaguiti sebbangna n~ga napnot iti
darioangoang tapno itinto pannacaical-laisami quenca iti singalut ti
nasantoan á ayatmo calac-amanmi ti mairanud quenca n~ga agnanayon
sadi lan~git, Amen.



MAICALIMA N~GA ALDAO,

¡O nagan á Jesus nagan á nacascasdaao, á iti bilegmo ti pamarsuaan ti
Dios cadaguiti iso amin á adda, pamaglisina muet cadaguiti demonios,
quen pangn~gagasna cadaguiti sacsaquit ti cararua quen bagui! Sica
n~garud ti inaramat idi cua ni Arcángel San Miguel á pinamacsiatna
cadaguiti demonios, ta idi apaman á matimuddaca dinagusda li
naglusulos á inganat sadi infiernos! ¡O nagpalungduan iti sam-it á
Jesus, á casta unay á pigsa ti pannacabalin, á intedmo iti Santísimo
n~ga naganmo! ipalubusmo cad ti panaglisi caniac ti demonio, no á
pamanto, n~ga aoagac ti mannacabalin á naganmo, quet bay-annac á
sioaoaya, quen mabucaan cadaguiti caoar ti panan~gadipen ti basol
tapno umayac á sicacarayo n~ga umamang quenca n~ga napaypayso n~ga
imbagco n~ga rebbengco n~ga ayaten, tapno paglicudanmi ti lubong á
man~gululbud cadacami, quet agbiag cam iti nalagda n~ga inanama n~ga
gapot ti dungn~gom, quen ayatmo, iti panacaquitaminto quenca quen
pannacairanudmi n~ga agnanayon. Amen.



MAICANEM N~GA ALDAO.

¡O inguet sam-it á Jesus, aman~gan cadaquel ti utang daguiti
cristianos ita nacarayrayo n~ga silao ti Santo n~ga Naganmo! yata
manangn~ga-asica cadaguiti tao quet nain~getca unay cadaguiti
demonios, á iso ti gapona n~ga caasiam laeng daguiti managbasol á
umararao quenca idi agdamada n~ga maioaoa iti dalan á agturong sadi
infiernos caasiannacam itay á managbasol á sitatabuno; n~ga umao-aoag
iti mannacabalin unay á naganmo. ¡O nasam-it unay á nagan ni Jesus,
sica ti pagtalcanmi ta sica muet laeng ti calasagmi n~ga manarapa
cadaguiti un~get ti Dios, quen agas á man~gep-ep cadaguiti samuyengmi?
sica muet n~garud itay ti napateg á lana n~ga segden daguiti
cararuami. Tapno rumayray á cas á puy iti ayat á nadiosan, tapno iti
casta paglicudanminto ti lubong, quet agaoaanmi ti man~gidaton
quenca cadaguiti puspusomi; tapno sicsica laeng ti pagservianmi quen
daydayaoenmi n~ga agnanayon. Amen.



MAICAPITO N~GA ALDAO.

¡O sididios á Pastor, á manaripato cadaguiti cararua n~ga cas ovejas á
naioaoa quet ornosem ida iti nasungdo n~ga indeg ti nasam-it á nagan á
Jesus! ¡O Jesus nagan á nagpunipunan ti quinasanto n~ga mamennec iti
sam-it cadaguiti puspusomi! ¡O Jesus, nagan á nacarayrayo, n~ga
nacagutugut iti isusurot quenca daguiti Apóstoles á em agsagaba iti
babain quen tuoc iti saclang daguiti tao gapo laeng iti ayat itoy
nacascasdaao á nagan! ¡O Jesus á tibquer ti Santa Iglesia, liolioa
daguiti naladin~git, tulong daguiti nacaca-asi, quet amang daguiti
managbasol! O Jesus, Ama n~ga biig á ayat, Ama n~ga biig á dungn~go,
Ama n~ga biig á caasi! Ala comá, Apo ipaaymo caniac ti maysa n~ga
panagayat á nasnecan iti nasam-it unay á naganmo n~ga Jesus tapno iti
pateg daytoy á panagdevocion, aclunennac laeng á cas Pastorco n~ga
nadiosan, á itipon cadaguiti pinilim, quet maisalacan toy cararuac iti
rungsot ti infierno. Iccannacam, Apo, iti napaypayso n~ga
pannacaammomi cadaguiti sicap ti cabusor, tapno mabalinmi n~ga abaquen
ida n~ga sibibileg iti graciam iso n~ga catulun~ganminto n~ga lumac-am
iti gloria. Amen.



MAICAOALO N~GA ALDAO

¡O nagan á Jesus, Torre n~ga nagannong iti lagda! ¡Lagda n~ga dacquel,
Apo ti nasam-it unay á naganmo, ta pagtalaoenna ti demonio cadaguiti
cararua n~ga sicucupicup iti pigsa daytoy nacaay-ayat unay á nagan. O
naayat unay á Jesus, igam á nalagda n~ga pan~gabac quen Lucifer; ta
agbalbal-ligui laeng daguiti cararua cadaguiti demonios iti tulong
daguiti nagcalima n~ga letra ti naganmo n~ga Jesus: Sica n~garud, Apo
n~ga addaca laeng iti saclang ti narniag á pan~gocoman ti Dios á
man~gibabaet cadacam á di agresat, quet at-atipaem iti naamaan á
pangn~gaasim daguiti umisó n~ga dusa n~ga caanatup daguiti basbasolmi
ital-liaomo cadacam á tagabom adipenmo quen naayat unay á anacmo
daguiti matam á manangn~gaasi. Itayen, ó naayat unay á Jesus,
umamangcam ita nasam-it unay á naganmo, n~ga cas Torre n~ga pagsadiri
iti demonio. Pabilguem cadlaeng daguiti puspusomi tapno iti tulong ti
nagan á Jesus á aoaganmi, maparucmami daguiti pannulisug ti sayro quet
mapudnomi n~ga yaoat ti cararuami cadaguita imam, quen maquipaguian
quenca iti agnanayon á nam-ay. Amen.



MAICASIAM Á ALDAO.

¡O nasam-it unay á Jesus, Ama n~ga nagpalungduan iti ayat á immaycat
ditoy lubong, tapno iti panagpatuladmo isurom cadaguiti cararua ti
dalan á agturong sadi Lan~git, quet idi matayca n~ga sididep-pat idi
cruzmo, quinayatmo n~ga sinanagancat Jesus, tapno ipacaammom cadacam á
iti muet laeng nasam-it á naganmo ti silao á nalan~gitan á mamabileg
cadaguiti cararuami iti horas ti ipapataymi n~ga man~gioacsi cadaguiti
nacaam-ames á panagbuteng iti nacadidigra n~ga pangn~gocommo!
Italiaomo cad, Apo cadacam daguita matam á biig á dungn~go quen caasi
tapno ioasnacda cadaguiti puspusomi, ti maysa n~ga nasantoan, quen
nasin-ao á panagayat quenca.

¡O Jesus á nan~gisalacan cadacam!

O Jesus á casaya-atan em amin daguiti tao, n~ga agsipud iti ayatmo,
dica quet nangda iti uray san~ga catedted laeng á daram cadaguiti
ur-uratmo, ta inibusmo la amin apinanubbot iti pannaca-adipenmi.

¡O Jesus á nagparang idi Colloong cadaguiti Pastores, quen Har-ari,
nagparang idi Templo, cada Profeta Simeon quen cadaguiti Doctores,
nagpaquita idi Calvario cadaguiti Angeles quen tao! ¡O Jesus á
cacaisuna n~ga gasatmi! Matmatannacam á sicacaasi, tapno mapnocam iti
imbag, quet tono mataycami, lac-amen-minto ti iliolioa bileg quen
sam-it. Ipalubos mo cadacam ti pannacabalinminto n~ga mamalicas iti
nacaay-ayat á naganmo n~ga Jesus iti daydiay camaudianan á horas, quet
pabilguem daguiti cararuami tapno ul-ulitenmi n~ga patinayon ti
Santísimo n~ga naganmo. Biaguen daguiti puspusomi iti santa n~ga
graciam á inganat iti dumtengcam á aguinana iti nasam-it á sidongmo
iti gloria n~ga agnanayon. Amen.



GOZOS


  Ó ayat á naparigatan,
quen imbag á capapatgan.

_Ó silao á nailan~gitan
sicat Amami quen camang_.

  Pinarsuam piman ti tao
tapno punoem iti imbagmo
basbasolnat nacaaoisam
á manub-but manalacan.

_Ó silao á nailan~gitan etc_.

  Batumbálanica á nabiag
á captan ti siririgat
nasalucagca n~ga agayoan
quen man~gagas á naridam.

_Ó silao á nailan~gitan etc_.

  Ayatmot dica lansadan,
ta lan~git quet ti binay-am
iti Cruz ti inca natayan
iti tuoc agsasamosam.

_Ó silao á nailan~gitan etc_.

  Iti puso á napacurang
daoatenmi n~ga itdannacam
iti bun~ga n~ga nasantoan,
ti tuocmo á capapatgan.

_Ó silao á nailan~gitan etc_.

  Ó Jesus á inguet sungdo
n~ga aguin~gun~got iti tao
sicat Jesus á salacan
daguiti cararua á parsuam.

_Ó silao á nailan~gitan etc_.

  Italiaomo, Apo cadacam,
daguita naasi á matam
ó Amami á caimbagan
urayenmit pan~gigagam.

  _Ó silao á nailan~gitan
sica Amami quen camang_.



CARARAG Á PANGLEPPAS

O naimbag á Dios, á quinayatmo n~ga iti Anacmo ti manalacan cadaguiti
tao, iso n~ga ninaganmot Jesus, daoatenmi quenca n~ga sipapacurang
igapom iti asim, tapno ayatenmi ni Jesus á ipasnecmi iti pusomi,
daydayaoenmi muet ti Santo n~ga naganna, quet di laeng comá matda ti
pan~gi-banannagminto quencuana n~ga agnanayon. Amen.

=FIN=





*** End of this LibraryBlog Digital Book "Novena nga Pagdaydayao Quen Aputayo á Jesus Nazareno" ***

Copyright 2023 LibraryBlog. All rights reserved.



Home