De Essentia Patris Et Filii - Patrologiae Cursus Completus; Series Latini; Tomas vol.

By Author	[ A B C D E F G H I J K L M N O P Q R S T U V W X Y Z \| Other Symbols ]
By Title	[ A B C D E F G H I J K L M N O P Q R S T U V W X Y Z \| Other Symbols ]
By Language

Download this book: [ ASCII | HTML | PDF ]

Look for this book on Amazon

We have new books nearly every day.
If you would like a news letter once a week or once a month fill out this form and we will give you a summary of the books for that week or month by email.

Title: De Essentia Patris Et Filii - Patrologiae Cursus Completus; Series Latini; Tomas vol. - X; Columns 887-888
Author: Various
Language: Latin
As this book started as an ASCII text book there are no pictures available.

*** Start of this LibraryBlog Digital Book "De Essentia Patris Et Filii - Patrologiae Cursus Completus; Series Latini; Tomas vol. - X; Columns 887-888" ***

DE ESSENTIA PATRIS ET FILII

CONTRA HÆRETICOS LIBER UNUS.

[Column 887] _Hunc quoque librum a Ludovico Miræo ex Victorina
bibliotheca vulgatum, e libris de Trinitate conflatum esse primus
observavit Gillotius: qui locis, e quibus centones quique distracti
sunt, notatis, cætera suppressit. Et vero quis rivulos quæritet
fæculentos, cum purum fontem ad manum habeat?_

Loquitur Evangelium, qui non honorificat Filium, non honorificat
Patrem qui misit illum. Conclusa sunt omnia adversus hæretici
furoris ingenia, etc., _ex lib._ VII _de Trin. a num. 21 post
medium, ad hæc ejusdem libri num._ 31. Et quia calumnia dicti
tamquam insolentis exsisteret, ut conscientiam (potentiam) potius
naturæ demonstraret. _Quibus subnectit auctor hæc num. 33._ Et
audiamus eum omnem fidei hujus cognitionem Apostolis revelantem: ait
enim, Ego sum via et veritas et vita, _nisi quod pro_ Et audiamus,
_ponit_ audi: _ac prosequitur usque isthæc num._ 39, ut hic Domini
sermo sequeretur, Non creditis quoniam ego in Patre, et Pater in me?
_Hinc_ [Column 888] _transit ad lib._ VIII, _unde primum præmissis
vocabulis_, Fratres mei, _exscribit hæc num._ 14. Quæ scripta sunt
legamus, et quæ legerimus intelligamus: _et ubi pervenit ad verba
num._ 20. Omnia quæ habet Pater, Filii sunt: et omnia quæ Filii
sunt, Patris sunt. Ipse enim ait, Et mea omnia tua sunt, et tua mea;
_omittit quæ ab hinc ad medium num._ 21 _intercedunt_: _unde rursum
exscribit_: Vivificamur ergo propter inhabitantem in nobis Spiritum
Christi, etc., _ad hæc usque num._ 26. Habitat enim in nobis
Christus: et habitante Christo habitat Deus. _Demum reliquis hujus
numeri verbis omissis, comparet initium numeri_ 27, _quo toto ac
subsequente fere toto descripto, clauditur liber his verbis_: Si
vero per adoptivum nomen hic dominus est, Spiritu sancto carens
spiritu erroris animaris; quia nemo nisi in Spiritu sancto Dominum
Jesum potest dicere: _quibus auctor adjecit dumtaxat_, quia ipse
operatur omnia in omnibus.

* * * * *

MONITUM EDITORIS.

[Column 887] Hic in editione Veronensi, quam recudimus, mentione
facta de duabus epistolis _Hilarii ad Augustinum_ inscriptis,
sequitur fragmentum titulum habens præfixum _Fides Alcuini_. Horum
vero monumentorum neutrum eo loci recudere debuimus, quandoquidem
nec supradictæ epistolæ ad Auctorem nostrum pertineant aut pertinere
possint, ut cuique patebit [Column 888] sive chronologiam sive etiam
illarum textum attendenti (_Vid. Opp. Aug. t._ II _pp. 673 et 1007
nost. edit._); nec _Fides Alcuini_ alii quam percelebri monacho
cujus nomine insignitur, salvis criticæ regulis, adjudicari queat,
aut alias quam inter ipsius Opera convenienter collocari.

*** End of this LibraryBlog Digital Book "De Essentia Patris Et Filii - Patrologiae Cursus Completus; Series Latini; Tomas vol. - X; Columns 887-888" ***

Home